اكبر موسوعة نكت ادخل و كركع

Part 2

عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهماحنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط

واحد بلديتنا وصل مصر فبص على عمود نور مكتوب عليه للايجار فقعد يخبط على الععمود فمردش عليه حد فسأل واحد معدىفى الشارع
بلدياتنا : هو مفيش حد هنا ولا ايه؟
الراجل : مش عارف مع ان النور مولع

مرة واحد من بلدياتنا اشترى مراية.الصبح مراته بصت فيها و فضلت تعيط.راحت للعمدة و قالتله يا عمدة ...جوزي اتجوز علي.فقال لها العمدة تعالي نروح نتأكد.فراح و بص في المراية و قال ده جاب عمدة تاني كمان

تنين بلدياتنا زهقوا من الأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سألالثاني هما بيحترمونا كدة لية؟ قال له أصلهم هنا بيعبدوا البقر.

مجموعة من الكلاب قاعدين مع بعض بيتكلموا فى موضوع
الأول قال: هوهو
التانى قال: هوو هو
التالت قال: هوووهوو
راح الرابع قال وووووووو
رد عليه واحد قاله لوسمحت ما تخرجش عن الموضوع

مــرة واحد بلدياتنا ماشي مع صحبته فـشافت أبوها
البنت : أمشي أبويا جــي
بلدياتنا : إيه يعني قوليلو أخوكــي

واحد عنده برد.. راح للدكتور..
فالدكتور سأله.. انت بتهوى بيتك كويس..
فقاله لا ..
فقاله افتح الشبابيك كل يوم قبل ما تنزل وتعالى ليه بعد اسبوع..
بعد اسبوع راح للدكتور
فسأله الدكتور.. ها البرد راح
فقال له البرد راح والتليفزيون راح والفيدو راح

و زبون يدخل كل يوم نفس المطعم فالجرسون يسأله
عاوز تاكل إيه.. فيأخذ فوطة الجرسون ويشمها ويقول له انتوا عندكم النهاردة سمك فيليه + أرز + صلاطة وهكذا كل يوم فالجرسون اتجنن فأعطى لمراته الفوطة وقال لها استحمى بيها وأديها لى وبعد كده الزبون دخل المطعم واخذ الفوطة زى كل يوم وشمها وبص للجرسون وقاله انت جوز فتحية؟

ليه بلدياتنا بيحط معلقة فى بقه وهو نايم؟
(عشان يتقلب صح)

كيف ندخل الفيل داخل زجاجة سفن أب
(أسهيه وهو بيشرب وأزقه )

كيف نخرجه منها ؟
(أرجها تفور يروح طالع)

ليه الفيل بيلبس شورت أخضر
(عشان لما يختبئ فى البطيخ ما يبانش)

ليه الفيل بيلبس شورت أحمر
(عشان الأخضر مغسول)

إيه اللى بيطير فى السماء وينور ويطفى
(عصفورة لابسه أميجو بينور)

ليه بلدياتنا لما يدخل يستحمى ياخد معه ابرة وفتلة
(عشان لو المياه انقطعت يخيطها)

ليه بلدياتنا بيدق مسمار 10 سم فى صدر طفله
(عشان يشبك فيه البزازة

ما هو التشابه بين إزازة الريحة والجواز
(الريحة قسمة والشبراويشى والجواز قسمة ونصيب)

ما هو التشابه بين السماء والكدليز
(الاثنين 7 طبقات)

ما هو التشابه بين الكمبيوتر والحفرة
(الكمبيوتر حاسب ألي والحفرة حاسب لتقع)

ما هو التشابه بين الكمبيوتر والاستريتش
(الآثنين بيجيبوا أدق التفاصيل)

واحده ست بتخون جوزها مع ثلاثة رجاله جوزها كبس عليها راحت مخبياهم في ثلاثة اشولة جوزها دخل عليها وقال لها ايه ده قالت له دي زيارة من البلد قرايبك بعتوها... قام ضرب الشوال الاول بالشلوت دييب.. قام الراجل الى جواه قال كاككاك جوزها قال اشطه حناكل فراخ.. فراح ضاريب الشوال التاني دييب.. قام الراجل الى جواه قال ماء ماء جوزها قالاشطه هناكل معيز و راح ضارب الشوال التاليت دييب ديب.. محدش رد.. دييب ديب .. قام الراجل الى جوه الشوال خرج وقاله بطاطس مانتاش فاهم بطاطس

مرة واحدة تخينة اوي مسكت ***** قعدت عليه فطسته
نادت علي ابنها وقالت له روح نادي أبوك بسرعة ردال***** من تحتها :بسرعة ياله

هندي أم في جماعة (صلى فيهم وكان هو الإمام) بدون ما يقيم الصلاة، لما خلص ، سأله المصلين، وين الإقامة ؟! م كملوا الكلمه إلا و هو هارب

صعيدي طلع من الامتحان دايخ، لي؟! كان مبرشم على المروحة .*
صعيدي يدرس فوق السطح، ليه؟! يقدم دراسات عليا *
صعيدي يدرس خارج الفصل ليه؟! عشان يقول الناس أنه يدرس في الخارج*

شلة صعايدة كان عندهم امتحان، تصعبوا كلهم من سؤال يقول : كم عدد أرجل البقرة ... ما أحد جاوب إلا واحدلما خلص الإمتحان بدؤوا يعاتبونه على الخيانة، فقال لهم : أنا آسف كنت عايز أساعدكم بس معرفتش اطلع البقره من القميص البقرة من القميص .

كتكوت كان ماشي في الشارع يدخن سيجار، شافه ديك، قال له ما تخاف من أهلك؟) قال له الكتكوت باطمئنان : (لا، لا تخاف أنا تفقيس مكن(

زهقان تزوج من وحدة زهقانة، خلفوا ولد سموه افففففف

وحدة فتحت جواز سفر جوزها شافت مكتوب عليه رجل اعمال. خربشت عليه وكتبت رجل سعديه.

مرة واحد قال لواحد انا فنان قاله التانى عظيم بترسم قاله لاء قاله التانى بتغنى قاله لاء فنااااان قاله هايل يبقى بتمثل قاله لاء انا فنان بحط العيش فى الفن

مرة واحد دماغة لفت قابلها من الشارع التانى*
مرة واحد نزل محطة الرمل رجله غرزت *
مره اتنين ضربوابعض بعض اتعور *
سباك نفسه اتسدت قام مسلكها *
شرطي مرور خلف واد بيتكلم بالاشارة *
مرة واحد وقف تاكسى الو رشدى على البحر قاله مشفتهوش*

مرة ابو العربى ساعه عصارى وهوة قاعد فى الميناء طلبت معاه يروح قبرص يعوم هناك نط فى الفلوكه وفضل يجدف يجدف بورسعيد بتبعد وقبرص تقرب يجدف بورسعيد تبعد وقبرص تقرب المهم وصل ورمى الهلب فى قبرص ونزل يعوم ويبلبط وقبل ما المغرب تتدن قام ناطط فى الفلوكه وفضل يجدف بورسعيد تقرب وقبرص تقرب يجدف بورسعيد تقرب وقبرص تقرب واللى خلق الخلق بيبص لقى نفسه ناسى الهلب فى قبرص وسحبها وراه لبورسعيد

مرة كان في ماتش بين فريقين حشرات في الشوط الاول في فريق انهزم واحد صفر و الشوط الثاني نزلت أم أربعه و اربعين دخلت 42 هدف بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ٌقاله:كانت بتربط الجزمة

إتنين صحاب قاعدين مع بعض في البلكونة
الأول :واحد وقع من الدور التالت لقى إيه؟
التاني : مش عارف.
الأول : لقى حتفه. طب واحدوقع من الدور
الرابع لقى إيه؟
التاني : مش عارف.
الأول : لقى مصرعه. طب واحد وقع من الدور الخامس لقى إيه؟
التاني : مش عارف.
الأول : لقى ربه. طب واحد وقع من الدور السادس لقى إيه؟
التاني :مش عارف.
الأول:لقى اللي وقعوا قبله.
التاني راح سايبه ونط من البلكونة

مرة واحد مخه تعبان شوية معاه كيس فشار ف فشارة وقعت
من ايده.قالها اطلعى. ماطلعتش, اطلعى, مطلعتش.
راح رما الكيس كله و قال لهم هاتوها

واحد بتاع قصب قصبة رجله إتكسرت مصها *
لاعيب كورة شاط ريحته طلعت *
كمسارى راح يتجوز لقى المهر ناقص كتب الباقى على دهر التذكرة !!!*

ولد راح للبقال قال له عندك جبنة رومى قال له أيوه قال له طب إدينى بجنيه حلاوة. تانى يوم جاله نفس الولد قاله عندك عيش فينو قاله أيوه قال له طب إدينى بجنيه عيش بلدى. ثالث يوم جاله نفس الولد وقال للبقال عنك زيتون أسود قاله أيوه قاله طب إدينى بجنيه خيار مخلل.
البقال زعل جداً وراح يشتكى الولد ده لأبوه وقاله ابنك بيعمل كذا كذا. رد الوالد وقاله :- آه من الولد قليل الأدب ده .. إنت عندك عصاية رد البقال أيوه قاله خلاص إضربه قلمين

واحد بلدياتنا بيهرج مع مراته فرماها من الدور العاشر فطلعت قالت له والله ما انا لاعبة معاك تانى

عارفين الارنب بيخاف يمشى قدام القهوة ليه؟
علشان بيخاف من السحلب المكار

واحد بلديتناراح للدكتور واشتكى لة من وجع فى رجلة نتيجة وقوعة على السلم فكتب لةعلى الدواء وقال لة تدهن هذا الدواء مكان ما وقعت .. بلديتنا راح داهن السلم

صرصار فطسان على روحه من الضحك ــــــ ليه ــــــ عشان اللى بيضربه بالشبشب أحول

واحد مرة قال لأبوه علمنى يابا الهيافه ابوه قاله خليك يابنى زى ماأنت كده * بلدياتنا راح يسوي معاشه لقي الفرن قافل نـجـار نفسه انكسرت غـراها و سمرها *
واحد منحوس خبطته عربية ومات فروحه طلعت خبطتها طيارة
واحد مسطول بيلعب كورة اخذها على صدره طلعها من مناخيره

مرة ابن أبو العربي فارد ضلوعه ومش عاجبه حد خالص في الحته بتعته فوقف تحت البيت عنده ونده أمه وقال : ياما ياما... ردت عليه أمه: خير ياواد عاوز ايه .. قالها : كل حاجة تمام عندك ياما . قالتله كله تمام اطلع .قالها يعني محدش قل أدبه عليك النهاردة من العالم دي . قالتله لأ محدش قل أدبه اطلع بقى . قالها : يعني محدش عاكس اخواتي البنات علشان أشرحه النهاردة .قالتله : لأ محدش عاكس اخواتك اطلع . قالها يعني محدش دايقكوا النهاردة . قالتله : لأ محدش دايقنا النهاردة اطلع بقى خلص .قالها طيب مادام كده بقى ولعيلي نور السلم علشان في قطة على السلم

المدرس:يعيش السمك فى الماء
التلاميذ:يعيش يعيش يعيش
مرة واحد نجار عينه اتخرقت ركبلها عين سحرية *
مره واحد مصوراتي ابنه مات طلع عليه *
أتنين فراعنه جلسوا على قهوه طلبوا أتنين أمون *

واحد مسطول قابل واحد مسطول برده قال له انت شايف النمله الى فوق الجبل ده قال له انهو فيهم المفتحه ولا المغمضه

قال العريس لعروسه: هل كنت تقبلين بالزواج مني لو لم يكن أبي قد ترك لي تلك الثروة الكبيرة؟ قالت العروس: كنت أقبل بالزواج منك مهما كان الشخص الذي ترك لكتلك الثروة

الزوجة: ماما .. جوزى تأخر أخاف يكون مع وحده تانيه الأم: تفائلي خير يمكن داسته عربيه

وحده بتدور على إبنها الى تاه قالولها اذا ولد حلال حيرجع قالت راح الواد

إواحد عنده كيس دهنى فى وشه كبير مراته خادته تجيب فيه الخضار

واحد يابانى اتجوز واحده يابانيه ..خٌٌٌٌلفوا طفل اسود .. سَموه سامسينج رونج

واحد طويل إتجوز واحده طويله خلفوا عيل لسه بيشدوه لغايه دلوقتى

واحد خواف قوى خطيبته بتقولله نفسى أموت وسط أحضانك ...قالها روحى موتى وسك أهلك أنا مش ناقص مشاكل

مرة وحدة وقفت تكسي ..قالها : على فين ؟ قالت له : والله جوزي ما ماقولتيلهوش حقولك انت

مره ولد بسأل أبوه صحيح يابا الحب أعمى ! قاللوا آه يابا بص في خلقة أمك و انت تعرف

مرة طلع ملاكم هو وخطيبته على مطعم عازمها على العشا بمناسبة حصوله على الميدالية الذهبية, وهو بياكل لاحظ انه خطيبته عماله تبحلق فيه فسألها:إيه مالك مش بتاكلي؟ الخطيبةحبيبي ما نفسكش تتقولي كلمتين حلوين زي اللي الخطاب بيقلوها لبعض؟ الخطيب مبتسما:شايفة حبيبتي القمر هناك! الخطيبة مبسوطة:اه حبيبي! الخطيب:بوكس واحد بوديكى عنده

ديك و فرخه معدييم من قدام محل شاورما ..الديك بيقولها شوفى اللى بيحصل للى مبتسمعش كلام جوزها

ولد راح لعند بياع شاورما وقال له:عندك ألف سندويش، قال له: لأ في اليوم التالي جاء الولد وقال: عندك ألف سندويش، قال له: لأ (بعدين فكر البياع وقال راح اعمل الألف) في اليوم الثالث جاء الولد وقال: عندك ألف سندويش، (فرح البائع) وقال: ايوه عندي.... قال الولد: اتحداك لو بعت نصهم

واحد عصبى إتجوز واحده عصبيه الدكتور بيولد مراته..نزل الواديقول الدكتور إبعد إنت أنا هانزل لوحدى

عجوز قالت لها جارتها ان الدش حرام ... قالت العجوز الحمدلله سبعين سنه دلوقتى وانا بستعمل الكوز

واحدة بتقول لجوزها افرح حنبقى ثلاثة علطول
فقال لها : انتى حامل يا حبيبتى
فقالتله لا .. ماما حاتيجى تقعد عندنا علطول

واحد أعمى واقف يشحت من واحد تانى
فالتانى سأله : إيه اللى يثبت لى إنك مش بتشوف
فرد عليه قاله : شايف اليافطة اللى هناك دى
فقاله : أيوه
فقاله : أنا بقى مش شايفها.

واحد نايم جنب مراته بعد نص الليل و فجأه الباب خبط جامد فمراته صحيت مفزوعه من النوم وهى بتصرخ يا نهار اسود جوزى . راح جوزها نط من البلكونه.

الواد سوسو قابل صاحبه فقال له خد بالك البنت اختك ماشيه مع عبده الميكانيكى فرد عليه غاضبا ده لا ميكانيكى ولا بيفهم فى الميكانيكا

ليه بلدياتنا بيحط فى إيده الشمال زلطة واليمين كبريت؟ (الزلطة عشان يكسر اللمبة والكبريت عشان يتأكد ان اللمبة انكسرت)

واحد غلس أوى وقع على وجهه فقال أحسن *
واحد بخيل أوى راح شهر العسل لوحده *
صعيدي بخيل، اشترى آلة حاسبة شال منها الصفر .*
صعيدي لحق ***** ،،، و سبقه *
بقرة بتعيط و زعلانة ليه ؟! عرفت أن زوجها ثور .*

إتنين فافى راحوا يدورا على شغل مالقيوش غير واحد عنده غيط قصب قالهم ارجع اخر النهار ألاقيكم محملين القصب على العربيات...قالوله حاضر يا أونكل..
جه الراجل آخر النهار يشوفهم عملوا ايه
لقاهم ماسكين عود قصب وعمالين يقولوا شد يا سوسو شد يا توتو
فقالهم ايه الاخبار يا رجاله ..فقالو له: يا اونكل النهارده لخلعنا عود و بكره أنشاء الله حنقطعه

الفار و خطيبتة ماشيين في الغابة فقابلوا اسد نائم بعرض الطريق ,فالفار حب يرسم نفسة قدام خطيبتة فقال للاسد:نايم لية كدة مش عارف إن انا معدي يا حيوان فحرك الاسد إيده فعدي من تحتيها الفار و خطيبتة علشان يوصلها لبيتها...لكنه نسي مفاتيحه معاها ولما رجع لقى الاسد واقف مستنيه فقال لة: عمنا انا كنت بهظر معاك ولازم ابوس رأسك .. فاتشعبط لغاية ما وصل لرأسة لقى الفار خطيبتة بتناديه... حبيبي انت نسيت مفاتيحك معايا... فبص للاسد باستحقار وقال له ادوس علي راسك دلوقتي افعصها يعنى ..ياحيوان......

حكم كوره أعد على قهوه ...طلب واحد صفر *
حلاق راح فيلم سوالف النينجا.*
أتنين ماشين فى الشارع,واحد بيقول للتانى:خلبالك من الحفرةةةةةةة *
واحد اتزنق فى ربع جنية عدا من الخرم .*
واحد تعب من المشى جرى *
اتنين حبوا بعض بس بعض محبهمش *
مرة فيل داس على نملة قالت له ياواد ياتقيل *

اثنين مساطيل مروحين لقوا في الشارع واحد مغمي عليه الاول قال مش ده حسن جارنا التاني قال له ايوه هو حسن ما تيجي نشيله نطلعه بيته احسن حرام نايم في الشارع قال له ياله شالوا حسن ومشيوا.. قال له ده ببيت حسن؟ ايوه بيت حسن اطلع اطلع. دي شقه حسن؟ايوه شقه حسن دخلوا ده سرير حسن ؟ ايوه سرير حسن. حطوا حسن علي سريره ونزلوا الشارع لقوا حسن نايم في الشارع قال له الأه احنا مش حطينا حسن في بيته رد التاني يمكن احنا مساطيل تعاله نشيله تاني نطلعه .شالوا حسن و مشيوا ده بيت حسن؟ ايوه بيت حسن دي شقه حسن ايوه دي شقه حسن ده سرير حسن ايوه ده سرير حسن سابوا حسن علي سريره ونزلوا لقوا حسن في الشارع برضه قال له في ايه تعالي نشيله تاني .فضلوا علي كده سبع ثمن مرات و في الاخر قال له تعالي نوقف واحد فايق يطلع معانا .لقوا واحد جارهم سألوه ده حسن قال لهم ايوه ده حسن راح الاول قال للتاني شفت احنا مش مساطيل و قال لجارهم تعالي معانا نطلعه بيته احسن حرام مرمي في الشارع قال لهم ياللأه.. ده بيت حسن قال لهم ايوه ده بيت حسن و طلعوا قالوا له دي شقه حسن قال لهم ايوه دي شقه حسن ودخلوا وحطوا حسن علي السرير وقالوا له مش ده سرير حسن ...الله يخرب بيوتكم دي البلكونه

مرة واحد بلدياتنا خطف ابنه لمده اسبوعين ولما مفيش حد سأل عليه قتله
واحد بلدياتنا بيسأل واحد صاحبة قالوا : هي الزتونة السودة لها رجلين قالوا : لأ رد صاحبنا: بّه يبقى اللي كلتها خنفسة...*
مسكو أتنين بلدياتنا بيلعبوا رفه بغطا بلاعة*

واحد زملكاوىلقى مصباح علاء الدين فدعكه.. طلعله الجنى
قال له : ايه طلباتك؟
قاله الزملكاوي: عايز ترجع لى ابويا للدنيا
قال له الجنى : بس دا مستحيل
قال الزملكاوى : طيب الزمالك ياخد الدورى
فرد الجنى : لا ابوك يرجع للدنيا اسهل

مره واحد عنده عربيه "نيو آيز" ركن جنب عربيه سيات و قال يغفل شويه...مافيش 5دقايق و جه صاحب السيات يخبط علي الأزاز , صاحب المرسيدس فتحيشوفه عايز ايه.. صاحب السيات طلب منه كوبايه ماج الراجل أستغرب أوي و سأله ؛ تعمل بيها أيه قاله اصلي نسيت الكوبايات في العربيه التانيه و عايز أشرب النسكافيهبتاع الساعه أربعه الراجل قاله يعني عايز تفهمني ان انت عندك مكنه قهوه في السيات.. قاله اه ايه المشكله صاحب المرسيدس قاله لأ ما عنديش ..و التاني مشي شويه ورجع تاني يخبط علي الأزاز صاحب المرسيدس فتحله تاني قاله عايز ايه تاني؟؟؟ قاله لو سمحت الاقي عندك شريط فيديو فاضي؟ الراجل قاله ح تعمل به ايه رد عليهأصل في برنامج حلو قوي علي الدش و عايز اسجله الراجل قاله بقي انت عندك تليفزيون و فيديو و دش في العربيه السيات ؟؟؟؟ قاله أه .. بتاع المرسيدس قاله لآماعنديش شرايط و يالا امشى من هنا بقي....الراجل بتاع المرسيدس كان ح يتجنن راح علي التوكيل بتاع المرسيدس و قالهم بقي السيات فيها دش و فيديو و تليفزيونوكمان مكنه قهوه و انا اللي عندي نيو ايز ما فيهاش الكلام ده!!!!!قالوا له دي كلها كماليات.. قالهم لأ انا عايز كل الحاجات دي عند المهم ركبوها له في العربيهالراجل راح علشان يغيظ بتاع السيات قعد يدور عليه في مصر كلها لغاية ما لقاه راكن في شارع جانبي راح راكن جانبه و نزل يعمل انه عايز يستلف منه كوبايه الراجل قعديخبط يخبط يخبط ما حدش فتح , فضل يخبط يجي ساعه في الأخر بتاع السيات فتح له و هو متضايق قوي قوي وقال و هو بيزعق :"عايز ايه؟؟" بتاع المرسيدس قالهممكن كوبايه علشان اشرب النسكافيه بتاع الساعه 4, بتاع السيات قاله : بقي بتطلعني من الحمام علشان كوبايه

مرة واحد بلدياتنا كان ماشي في شارع ضلمة فلقى مجموعة من قطاعين الطرق فسألوه إنت معانا ولا مع التانيين
فإتخض الراجل وقالهم:طبعا معاكم فقتلوه وهم بيقولوا هع..:احنابقى التانيين

مره واحد بلدياتنا ، جه يًًزوّّر فلوس ، فقال يجرب ورقة عشرين جنيه ، فراح رسمها كويس أوي ، وكتب بدال العشرين .. تمانتاشر ونزل مصر عشان يفكها ، فقال لواحدممكن تفكهالي جنيهات ، فقله الراجل زورتها ازاي ، فبلدياتنا خاف ، و خد بعضه و رجع بلدهم و بيفكر ازاي الراجل عرف انها مزورة ، فراح يجرب يفكها من ابن عمه فقاللابن عمه ممكن تفكلي تمانتاشر جنيه دي جنيهات ، فقله ما فيش جنيهات فكه ، تاخد ورقتين بتسعة ..

واحد كان ماشي في جنازة مراتة وقاعد يضحك فواحد صاحبو قالو هوا انتا بنضحك قوي كدا لية
قالو اصلي اول مرة اعرف هي ريحا فين - هاهاه هي

مرة واحد طرشجى راح يجوز
راح للاولة قالت:متجوزش طرشجى
فقال يجب ان اغير المهنة
فراح لواحدة ثانية فقالت لة ماذا تعمل فقال :ببيع قطع خيار

كان فى مسابقه اتأدملها واحد فرنساوى و واحد أمريكانى و واحد بلديتنا و كانت مسابقه عن مين يأدر يجيب أكبر قطه .
راح الفرنساوى وجاب قطه طولها متر و نص و الأمركانى جاب جاب قطه بريه طولها مترين ,أما بلديتنا فغاب جدا و لما ر احو يضوروا عليه لأوه ماسك فيل و بيأولو"عارف لو منونوش حأطعلك زالومتك"

مساطيل قاعدين يحششوا
الأول : تعمل ايه لو البوليس جه
التاني : هتدحرج واقع من الشباك كاني ولعه
فجه البوليس وصاحبنا عمل كده
والثاني قلده ووقع عليه فنفض كتفه وقال احرقونا بقه

مرة واحد فرارجي ماشي بالعربية بتاعت الفراخ علي الطريق.. راح موقفه ضابط شرطه وقاله : انت بتأكل الفراخ دى ايه راح الفرارجي قال : بأكلها علف و برسيم... شخط فيه الظابط و قال انت راجل مهمل ازاي تأكل الفراخ علف و برسيم هات رخصك ... الفرارجي: خلاص يل بيه حرمت و دي أخر مرة... و هو ماشي علي الطريق قابل ظابط تاني : قاله انت بتأكل الفراخ دى ايه ... قاله بأكلها لحمة و كفتة ... شخط الظابط و قال أنت راجل مفتري إزاي تأكل الفراخ كفته ولحمه و احنا مش لقيين ناكل هات رخصك ... الفرارجي خلاص حرمت و ديه أخر مرة ... الظابط خلاص سماح ... و هو ماشي علي الطريق قابل ظابط تالت قاله : انت بتأكل الفراخ ديه ايه ... قاله الصراحة يا بيه أنا بديلها مصروفها و هي بتنزل تجيب الأكل

واحدبلدياتنا بيقرقض ضوافره وصل لكوعه*
واحدبلدياتنا مراته اغمى عليها شممها رجله*
واحدبلدياتنا بلع ريقه جاله تسمم*
واحد بلدياتنا بيهشك ابنه، و قع النايل سات*

واحد بلدينا دق مسمار في صدر ابنه عشان يعلق عليه البزازة.*
واحد بلدينا شرب قهوة الكراسي وقفت في زوره.*
واحد بلدينا لبس قميص مشجر علشان العصافير تقف عليه.*

ست ركبت اتوبيس وهى شايلة ابنها الصغير، جت تدفع التذكرة الكمسارى اتخض أول مابص للولد وقال: اللهم احفظنا، انا عمرى ما شفت عيل وحش كدة، غطيه يا ست حرام عليكى! الست زعلت قوى، وقعدت فى كرسيها تعيط بحرقة، الراجل اللى جنبها سألها: مالك يا مدام، بتعيطى ليه؟
الكمسارى ده ماعندوش دم، قل أدبه علي وانا خفت أرد عليه خافى تردى ليه؟ الاتوبيس ما فيهوش رجالة؟
ردى عليه ولو فتح بقه بكلمة نخرشمه عندك حق، أنا حأروح أبهدل كرامته عداكى العيب، شيلينى النسناس بتاعك بقى علشان تعرفى تتخانقى براحتك

واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور

واحد بلدياتنا واقف و معاه ارنب فعدّا عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلمه هو!

واحد لقى اوتوبيس مكتوب عليه السيدة زينب قلع الجزمة وركب

واحد بلدياتنا جاب لمراتة جوافة جة تانى يوم بيسألها اية رايك في الجوافة؟ قالت لة ماليحة جوى بس الرز اللى جواها مش مستوى

مرة واحدة عجوزة راحت تخطب لابنها سالتها العروسة ابنك بيدخن ؟ قالتلها العجوزة احيانا لما بيكون سكران

دكتور عيون قاعد مع خطيبته في حديقه الاسماك معاه ورده قالها شايفه الورده دي يا حبيبتي قالت له ايوه فرجع ايده لورا شويه وقالها طب وكده

مرة اثنين بلدياتنا في الجيش فالصول بيسال الاول ايه ده قله البندجيه يافندم قله بندجية ايه ياهريدي دي وطنك دي امك فراح للعسكري التاني قاله ايه دي قاله دي ام هريدي يا فندم

واحد بلدياتنا دخل الجيش ووقف حراسة على بوابة معسكر عدى عليه الشاويش وقاله:اللواء "فريد" جه؟ قاله : ماجاش يا شاويش "محمد" وبعد ساعة رجع له الشاويش محمد وسأله اللواء "فريد" جه؟ قاله لسه ما جاش. وبعد ساعة أخرى رجع له تانى وسأله اللواء "فريد" جه؟ قال له لسه ما جاش. وبعد ساعة جه اللواء "فريد" قاله العسكرى : أنت فين الشاويش "محمد" حيخرب بيت.

واحد حلو حلو اتجوز واحدة حلوة خلفوا واد ملزق *
واحد وحش اتجوز واحدة وحشة خلفوا واد رموه *
واحد بخيل اتجوز واحدة بخيلة خلفوا واد حطوه في البنك *
واحد كريم اتجوز واحدة كريمة خلفوا واد ادوه هدية للجيران*
واحد صيني اتجوز واحدة يابانية خلفوا انسان آلي *

مره واحد اشترى لمراته بغبغان وبعتهلها مع الفراش ولما روح البيت قال لها حلو البغبغان الى أنا بعتهولك قالت له حلو بس غير طعم الملوخيه .

إثنين محششين قاعدين و قدامهم حيطه الأول قال للثاني شايف الصرصار اللى ماشى عالحيطه ده قال الثاني إيوه بس مش شايف الحيطه.

واح عصبى عنده درس بيوجعه ..قعد سنه عالحال ده و بعدين راح للدكتور و قالله إخلعلى كل سنانى و سيبه زى الكلب لوحده

في ثلاثة بلدينا فى الجيش شافوا يافطة (ممنوع الوقوف قطعيا)...انبطحــوا.

واحد اشترى لمراته علبة كريم...تانى يوم عملتها سندويتشات للعيال فى المدرسه

واحد بيقول لخطيبته انا مش غني ولا عندي مرسيدس ويخت زى محمود بس انا بحبك خطيبته: وانا كمان بحبك لكن احكي لي اكتر عن محمود

يا ترى يا دكتور انا ممكن اعيش لحد ما يبقى عندى 100 سنه؟
انت بتدخن او بتشرب او بتتعاطى؟لأابدا عمرى ما دقت سيجاره ولا شربت كأس ولا حتى شديت نفس من شيشه0
بتلعب قمار؟لأ ولا حتى كوتشينه ولا دومينو ولا شطرنج
طب بتلعب بديلك من ورا المدام؟أنا عمرى ما كلمت واحده ست ثم انا مش متجوز
بتسهر قدام التلفزيون او الفيديو او الدش؟ولا بافتحهم من اساسه
ولا بتسهر على القهوه؟ولا عمرى عتبتها برجلى
بترهق صحتك ونظرك بالقراءه كتير؟بالعكس انا اطيق العمى ولا اطيقش الكتب
طيب بتقعد كتير قدام الكمبوتر او الانترنت؟ابدا خالص
طيب بتسافرعلى طرق خطر او بتسوق كتير؟انا لا عندى عربيه ولا باسافر من اصله
طب بتلعب اى رياضه عنيفه او مرهقه؟ولا عمرى عتبت نادى ولا لعبت حاجه من ايام الثانوى
بتصلى؟يوم الجمعه بس!
امال عايز تعيش ميت سنه تهبب فيهم ايه

حرامى سرق عربيه لما البوليس مسكه قال له انت سرقت العربية الحرامى: فتشنى يابيه

عبيط راح محطة بنزين فشاف شلة بنات جنبه فحب يتفشخر فقال عبي بخمسمائة

سألوا واحد محشش إيه أصعب موقف ممكن يحصل لواحد
قالهم إنك تحدد دقنك وإنت بتاكل لبانه

الزوجة : عيب عليك يا راجل شوف سالم جارنا بياخد مراته كل يوم يفسحها
الزوج : خلاص ، ليكى عليا أخدها كل يوم أفسحها !! ـ

مرة واحد عداه العيب خد اللى بعده

واحد بلدياتنا اشترى منبهين .... واحد يضرب و التانى يحوش

مره واحده ست دخلت مطعم وطلبت من الجرسون اغلى واحلى طبق وقالت له ما يهمكش السعر بس المهم الحنكلولو ينبسط الجرسون طنش على الاسم وراح جاب الطبق راحت الست دخلت الطبق فى الشنطه والجرسون سمع صوت حاجه بتاكل ... شويه وطلبت الحلو وبرده دخلت الطبق فالشنطه والجرسون سمع صوت حاجه بتاكل .... شويه وطلبت العصير وراحت الست مدخله الشفاطه جوه الشنطه والعصير بينقص فالكوبايه الست راحت الحمام
الجرسون حيتجن عايز يعرف الشنطه دى فيها ايه؟
وراح فاتح الشنطه ولقى حنكلولو صغنن

محامى مسطول دخل المحكمة بيقول للقاضى:ان القانون ينص يا ربع يا تومن

قأل ايه قأل عمو شارون الشريررر قأيل لعمو عرفات:ولد عيب انت متعاقب محروم من المصروف و تفضل في رام الله و أوعى تخرج منها راح عمو ياسر مهددد شارون و قاله انت مش عارف اخواتي اما يرجعوا من اجتماعهم في الجامعه العربيه هيعملو ايه قألوا شارون: هي هي زي كل مره ابقى قابلني

اثنين عازين يشربوا سجاير و مش معاهم قالوا ندخل ميتم بيوزعوا سجاير هناك. دخلوا قعدوا جنب واحد كان فى الصوان يدخن قال الأول أنفاس معدودة و الثانى كلنا لها رد عليهم الراجل محدش واخد منها حاجة

مرة واحد مسطول قال لواحد مسطول تانى هو العمود ده منور قاله معرفش أصلى مش من المنطقة

بلدياتنا الصغير بيسأل أبوه : ليه يابا ربنا خلج لنا الودان فرد الأب : علشان نعرف العمة بتاعتنا ها تجف لحد فين

مرة ابو العربي سمع ان صاحبه فى اليابان عيان فراح خطف رجله وراحله المستشفى فى اليابان والمهم وهو بيزوره لقى الراجل قاعد يقول (يكوهوما) قعد ابوالعربى يهديهويقوله محدش هيربيها غيرك الراجل يقوله يكوهوما وبرضك ابو العربي يقوله محدش هيربيها غيرك المهم الراجل مات وهو فى العزا بيقول لواحد ده حتى كان بيوصنى على بنتهيكوهوما راح قاله الراجل انت عارف يكوهوما معناها ايه قوم من على خرطوم الاكسجين

مره واحد بلديتنا حب يتجوز كتب فى الجرنان موصفاتى اسمر وطويل وعندى ارض وزريبه وجموستين، والعروسه لازم يكون عندهاارض وزريبه وجموستين والرجاء ارسال صوره الحموستين

المريض: تفتكر يا دكتور هاقدرأعزف بيانو بعد العمليه؟
...الدكتور: أه...أكيد....
المريض: أصلى عمرى ماعزفت خالص قبل كده

مدكتور وميكانيكى بيتكلموا..الدكتور بيقول للميكانيكى انت رفعت السعر بتاعك كام مره السنه دى ده إنت بقيت أكتر من اجره الدكتور....الميكانيكى:خلى بالك يادوك...انتوا شغالين فى نفس الموديل من أيام آدم....لكن احنا كل يوم موديل جديد

ماسورهة إتكسرت عند الدكتور فنده عالسباك...جه السباك وطلع العده بتاعته من شنطه فخمه وصلح الماسوره و بعدين كتب حاجه فى ورقه وإداها للدكتور....الدكتور: ايه ده ستميت جنيه ليه...دا أنا بالى اسمى دكتور مباخدش كده....السباك: ولا انا....لما كنت دكتور

العيان للدكتور: أنا قلقان لأن واحد صاحبى كان عنده تيفود وراح للدكتور مات من الصفرا....الدكتور: مش كل الدكاتره زى بعضيها....انا لما بعالج واحد من التيفود...غالبا ما بيموت م التيفود

الدكتور للعيان: عندى خبرين واحد كويس وواحد وحش....العيان هات الكويس الاول...الدكتور: نتايج التحليلات ظهرت ومش حتقدر تعيش غير اربعه و عشرين ساعه بس....العيان: اربعه و عشرين ساعه بس....ايه حيكون انيل من كده...هات الخبر الوحش....الدكتور:أنا بحاول اتصل بيك من امبارح

الزوجه:بــص ..جارنا كل يوم بيبــوس مراته
ليه إنته لا؟؟؟
الزوج:فكرك هيه تقبــل

مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه

واحد بيقول لصاحبه...الدكتور قالى انه حيمشينى على رجلى خلال اسبوعين...التانى: وحصل؟...الاولانىاه ...خلانى ابيع العربيه علشان أدفع الفيزيت

واحد ساكن فى الدور الخامس نادى على مراتة وقال ياولية ارمىة لى النظارة والمنديل رمتلة النظارة انكسرت قاللها انا هطلع اجيب المنديل

مذيعة قابلت اثنين مساطيل سالت الاول ايه رايك في مصر
قالها مصر دي امي
سالت التاني وانت ايه رايك قال:مااقدرش اتكلم علي ام صاحبي

مرة واحد بلدينا نده على بتاع الأنابيب قال له : هات أنبوبه هنا جاله بتاع الأنابيب بالأنبوبة و قاله فين الأنبوبه الفاضية بلدينا قاله لا هشربها هنا

كان فى واحد شكله وحش قوى قوى قوى عايز يتجوز فراح و اتقدم لواحده فبيقول لابوها: انا يا عمى و بلا فخر عملت نفسى بنفسى قاله : ما انا برده بقول استحاله تكون خلقة ربنا

مرة واحد توأم شاف اخوه، قلو انت فين من الصبح يخرب شكلك امي خلتني استحما مرتين

مرة سواق تاكسى قابل واحد مسطول قال لة تاخد كااااام و
تودييينى فييييييين قالة السواق هات اللى تيجيبة و انزل هنا

اثنين قاعدين في خمارة الأول قال للثاني أنا بأشبَه عليك، الثاني قاللوا وأنا كمان، الأول قال إنت ساكن فين قاله في الدقي فقاله أنا كمان ساكن في الدقي الأول قال ساكن فين في الدقي الثاني قاللوا في شارع التحرير فقاله أنا كمان ساكن في شارع التحرير الأول سأل فين في شارع التحرير الثاني قال في عمارة رقم 10 فقال الأول أنا كمان ساكن في عمارة رقم 10، وسأله في أنهي شقة قالوه في شقة رقم 5 فقاللوه دي شقتي أنا قال لأ دي شقتي أنا وقاموا مسكوا في بعض وهات يا ضرب، فواحد بيقول للجرسون مش تحوش عنهم قاللوه يا عم ملنهاش دعوة ده راجل وابنه كل يوم يسكروا ويتخانقوا مع بعض

مره اتنين مساطيل واحد بيقول للتانى هو محرم فؤاد اخو بؤرفواد قالها لا يا راجل بؤرفواد دايه بلد اما محرم فؤاد فديه بلد تانيهخالص

مرة 2مساطيل قعدين بيحششو قدام نشرة الاخبار فى التليفزيون فنشرة الاخبارطولت فراح الاولانى قال للتانى :هى لية نشرة الاخبار طولت النهارد كدة؟فراح التانى رد عليه وقال معلش اصل شكلها كدة النهاردة اخر حلقة

اتنين ستات عواجيز جدااااا شافو شاب امور قامت وحده منهم ندهت عليه وقالت له تتجوزني واكتبلك نص ثروتي الشاب بصلها قوي وقال انا اتجوز كلبه ولا اتجوزكيش قامت العجوزة التانيه قالت له هوهوهو

مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية

واحد بلديتنا اتصل بالمطار بيسال الأستعلامات عن المسافة بين مصر والسعودية قال لة لحظة واحدة قالة شكراا

قال مدرس لتلميذ مامعنى جوز الهند بالانجليزي قاله التلميذ كوكونت قال المدرس ضعها في جمله قال التلميذ كوكونت من الشباك

مرة واحد ماشى بالعربية فانمت عجلة بجوار مستشفى المجانين ففك العجلة ولما راح يركب الاستبن ملاقاش المسامير فحتار عقله واعد يدور عليهم فواحد من المجانين قله فك من كل عجله مسمار ولما تروح اشترى غيرهم فقال له وبيقولوا عليك مجنون.... قاله مجنون اه.... لكن مش حمار

بلدينا بيكلم بلدينا قال له شايف الولية دى قاله أيوة قاله دى ولية جريئة قوى بتضرب جوزها كل يوم بالشبشب قاله عرفت منين قالة أصلها مراتى

فرعون بيعاكس فرعونة قال لها: أمون انا في كدة ، قالت له: يا ساتر يا رع.

بلدينا عايز يروح حفلة تنكرية بعت اخوه*
مرة واحد رفيع اوي اوي بص من البلاكونة وقع من الفنلة* مرة واحد رفيع اوي اوي بص من العين السحرية بعنيه الاتنين*
مرة صرصار دخل السينما شاف اعلان بف باف قال من اولها رعب كده*
مرة واحد بتاع سمك ابنه مات فماشى فى الجنازة يقول :ده كان صاحى وبيلعب *
مرة واحد محامى رفع أضية , وأعت عليه..*
قمبلة وئعت على اهوة ءالت بننننننننننننننن *
واحد اسمة محمدين خبط فشجرة كل محمد راح فى ناحيه*
مره واحد بلدياتنا نزل الترعه البلهارسيا طلعت تحلل*
مره واحد بلدياتنا بيلعب فى ودنه جاب القناه التالته*
بلدياتنا دبانة جت على وشة بينشها اقتلو حتى انت يامعفن*
مره أتوبيس بيلف الصينية وقع الكبايات *
اتنين بلدياتن فكرو يلعبوا شطرنج،،، الملك ضرب نفسه بالنار *
واحد بلديتنا طلع فوق الكوبري وقال يابوي كل دي بلكونة*
واحد بلدياتنا ساق العبط دخل فى الحيطه *
مرة واحد باع اللى وراه واللى قدامه واشترى اللى على جانبه *
مرة سواق تاكسي داس بنزين موته *
مره واحد بلديتنا عاوز يفسح عروسته في شهر العسل فسحها فى منحل*

مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح

مره واحد كان قاعد مع خطيبته علي النيل
قال لها شايفه القمر يا ليلي
وردت عليه بتقوله
شايفني عميه يا روح امك

واحد بخيل عندو ثلاث تفاحات فتح الاولى لقى فيها دود التانية فيها دود وصل للثالثة طفا النور و أكلها

في دكتور بشتغل في مستشفى المجانين،فراح يطمن على العيانين فبيبص شاف المجانين ماسكين واحد منهم معلقينه وعاملينه نجفه،وشاف واحد من المجانين قاعد لوحده وعمال بيدحك فرحله الدكتور وقاله بتتحك ليه،قاله المجنون بص المجانين مسكين الراجل وعاملينه نجفه،قام رد عليه الدكتور وقاله ما تروح تنزله،قام قاله المجنون ونقعد في الظلمه يا حمار

بلدياتنا الصغير بيعيط سأله أبوه بلدياتنا الكبير
عا تعيط ليه ياواد
قال الصغير : موش عارف يابااصحابى الصغيرين اللي عاالعب معاهم دلوكتى لما يكبروا ألعب أنا مع مين؟؟؟؟

مره قاسم وصاحبه طوسون واقفين قدام محل أحذية المهم عثمان سأل صاحبه:بكام الدزمه ( الجزمه ) دى ياكبريت؟ قاله : دى بنى قاله : والله رخيصه ياشيخ

موضوع: nokat adima الأربعاء أبريل 07, 2010 4:39 pm

nokat gmda ya amr bas 7awel teshel el e3lan beta3 juoin on facebook da me5alini 3la a5ri bounce

thanks ya ahmed and ill try

» موسوعه النكت المصريه ((( أكبر موسوعة نكت)))
» موسوعه النكت المصريه ((( أكبر موسوعة نكت)))